• Catalogue
  • Booklets
  • EggsBanner
  • Training

block texture border muted

Gŵyl Llên Plant Caerdydd - Ebrill 21 - Ebrill 29

 

 

Yn Galw pob llyfrbryf...

 

Mae Gŵyl Llên Plant Caerdydd yn ei ôl

Ebrill 21 - Ebrill 29

 

Mae Gŵyl Llên Plant Caerdydd bellach yn ei 6ed blwyddyn ac fe’i cynhelir dros ddau benwythnos gyda digwyddiadau i ysgol yng nghanol yr wythnos. Mae’r ŵyl yn cynnwys mwy na 40 o ddigwyddiadau gan gynnwys sesiynau crefft AM DDIM a rhaglen helaeth o ddigwyddiadau i ysgolion a gynhelir mewn canolfannau eiconig ledled canol y ddinas gan gynnwys Castell Caerdydd, Neuadd y Ddinas, Amgueddfa Cymru a Stori Caerdydd.

 

Mae’r ŵyl, a anelir yn bennaf at blant 3-11 mlwydd oed, yn parhau i greu darllenwyr am oes wrth ddiddanu a thanio brwdfrydedd plant am ddarllen. Mae’r digwyddiadau yn cynnwys gweithdai ysgrifennu, darlleniadau, gweithgareddau crefft, cwisiau a gemau ac ambell ymddangosiad  gan gymeriad neu dda!

 

Mae’r awduron a’r darlunwyr gwadd yn cynnwys Petr Horáček, Sibéal Pounder, Tom Percival, Catherine Fisher, Huw Aaron, Tom Palmer, Steven Butler a Jonathan Meres i enwi ond rhai.

 

Cynhelir Gŵyl Llên Plant Caerdydd gan Gyngor Dinas Caerdydd, Llenyddiaeth Cymru, Prifysgol Caerdydd ac Amgueddfa Cymru.  

 

Am fwy o wybodaeth, gweler: https://www.cardiffkidslitfest.com/cy/#/

Digwyddiad Dathlu Cymru Ifanc – #DathluCI18

Digwyddiad Dathlu Cymru Ifanc

 

Dyddiad: Dydd Mawrth, 6 Mawrth 2018

Amser: 5.30yh – 8yh

Lleoliad:  Amgueddfa Genedlaethol Gaerdydd, Parc Cathays, Caerdydd, CF10 3NP

 

Dewch i ymuno â Cymru Ifanc yn eu digwyddiad dathlu AM DDIM i bobl ifanc, sydd wedi’i drefnu gan Cymru Ifanc yn Amgueddfa Genedlaethol Cymru, Caerdydd, Nos Fawrth, 6 Mawrth o 5.30pm – 8pm. Bydd Cymru Ifanc yn tynnu sylw at lwyddiannau Cymru Ifanc yn ystod y tair blynedd diwethaf ac yn edrych ymlaen at y dyfodol a’r pethau ddylai fod yn flaenoriaethau iddynt.

 

Bydd Cymru Ifanc wrth eu bodd yn eich gweld chi yno, felly dewch i fwynhau noswaith o weithdai byr wedi’u trefnu gan wahanol Fforymau a grwpiau, gyda pheth Troelli Disgiau, rapio ac ysgrifennu geiriau i ganeuon, sgiliau hud a syrcas, hawl i holi gyda Chomisiynydd Plant Cymru (wedi cadarnhau) a Huw Irranca Davies AC, y Gweinidog dros Blant a Sophie Howe, Comisiynydd Cenedlaethau’r Dyfodol (wedi ei gwahodd) a bwyd a diod da.

 

I ddysgu mwy ac i gofrestru eich pobl ifanc, anfonwch e-bost i This email address is being protected from spambots. You need JavaScript enabled to view it.

 

Young Wales Cymraeg

 

Gwobrau Rhagoriaeth Gwaith Ieuenctid 2018

Mae’r cyfnod enwebu wedi agor bellach!

 

Mae’r Gwobrau Rhagoriaeth Gwaith Ieuenctid yn gyfle i gydnabod a dathlu gweithwyr ieuenctid rhagorol Cymru a'r prosiectau gwaith ieuenctid eithriadol sy’n digwydd ar hyd a lled y wlad.

 

Yn 2018, bydd y Noson Wobrwyo Rhagoriaeth Gwaith Ieuenctid yn cael ei chynnal nos Wener, 29 Mehefin, yng Nghaerdydd. Nodwch: mae angen gwahoddiad i ddod i’r noson wobrwyo.

 

Nodwch: Ni fydd enwebiadau sydd heb gael eu cyflwyno ar y ffurflenni enwebu cywir, neu enwebiadau a gyflwynir mewn modd nad yw’n unol â’r canllawiau, yn cael eu hystyried gan y beirniaid. Oherwydd nifer yr enwebiadau sy’n dod i law, ni chewch gyfle i ailgyflwyno eich enwebiad.

 

Rydym wedi newid y canllawiau enwebu, y categorïau a’r ffurflenni enwebu ar gyfer 2018. Sicrhewch eich bod yn darllen y canllawiau enwebu cyn llenwi a chyflwyno unrhyw ffurflen enwebu.

 

Gellir dod o hyd i’r mwy o wybodaeth, ffurflenni enwebu cywir a’r canllawiau enwebu yma: http://gov.wales/topics/educationandskills/skillsandtraining/youth-work/youth-work-excellence-awards-2018/?skip=1&lang=cy

 

Lansio'r Safonau Cyfranogiad Cenedlaethol wedi eu hadnewyddu

Lansio'r Safonau Cyfranogiad Cenedlaethol wedi eu hadnewyddu

 

Ar 20 Tachwedd, mae Cymru Ifanc, y porth cyfranogiad yn Plant yng Nghymru, yn lansio fersiwn wedi'i diweddaru o'r Safonau Cyfranogiad Cenedlaethol Plant a Phobl Ifanc.

 

Mae'r Safonau yn nodi'r ystyriaethau allweddol y dylai pob gweithiwr fod yn ymwybodol ohonynt wrth weithio gyda phlant a phobl ifanc yng Nghymru. Fe'u seilir ar Gonfensiwn y Cenhedloedd Unedig ar Hawliau'r Plentyn, a Deddf Llesiant Cenedlaethau'r Dyfodol (Cymru).

 

Mae'r lansiad yn nodi Diwrnod Plant Byd-eang, sy'n dathlu'r dyddiad y mabwysiadodd Cynulliad Cenedlaethol y Cenhedloedd Unedig y datganiad a'r confensiwn ar hawliau plant. Mae'n ddiwrnod i hybu ymwybyddiaeth o les plant yn fyd-eang.

 

Cafodd y Safonau Cyfranogiad Cenedlaethol eu datblygu'n wreiddiol gan yr Uned Cyfranogiad, ac maent wedi eu hadnewyddu gan bartneriaeth rhwng gweithwyr y Fforwm Ieuenctid a Cymru Ifanc. Cafodd y gwaith ei lywio gan ymgynghoriadau â phobl ifanc.

 

Cafodd y gwaith ei gefnogi gan Lywodraeth Cymru, a nododd rôl Safonau Cyfranogiad mewn canllawiau. Seilir y Safonau hefyd ar Gonfensiwn y Cenhedloedd Unedig ar Hawliau'r Plentyn, a Deddf Llesiant Cenedlaethau'r Dyfodol (Cymru) 2015, sy'n gosod cyfranogiad plant yn galon gwella llesiant.

 

Mae nod barcud a siarter wedi eu llunio hefyd i gyrff ddangos eu bod yn gweithio yn ôl y safonau hyn. Mae rhagor o wybodaeth am y Safonau yma. Cewch ymuno â'r sgwrs am Ddiwrnod Plant Byd-eang ar gyfryngau cymdeithasol drwy ddefnyddio #KidsTakeOver

ParticipationStandards Poster 9

Mae'r wefan hon a'i chynnwys i gyd yn hawlfraint 2018 Llywodraeth Cymru
YouthFriendly Web Logo  ceop-logo  Welsh Assembly Government logo  CRights Aware Logo