• Catalogue
  • Booklets
  • EggsBanner
  • Training

block texture border muted

Sichau Dyfodol Cymru - Brexit

Sicrhau Dyfodol Cymru - Symud o’r Undeb Ewropeaidd i berthynas newydd ag Ewrop

Ym mis Mehefin 2016, roedd yna bleidlais:  Ydyn ni eisiau aros yn rhan o’r Undeb Ewropeaidd (UE) neu ei adael?

Fe bleidleisiodd y mwyafrif o bobl yn y DU I ‘adael’.

 

  • Cydweithio

Ni allwn ni wneud hyn ar ein pennau ein hunain.  Mae’n rhaid I ni weithio gyda Llywodraeth y DU yn Llundain ac fe fydd angen trafod telerau â’r UE.

 

  • Y Farchnad Sengl

Mae cael Marchnad Sengl yn ei gwneud hi’n haws o lawer prynu a gwerthu (masnachu) rhwng gwledydd yr UE.

 

  • Symud i Gymru

Mae pobl yn symud rhwng gwledydd yr UE i weithio ac i astudio.

 

  • Cyllid

Mae gwledydd yn talu i fod yn aelod o’r UE ac maen nhw hefyd yn derbyn cyllid oddi wrth yr UE.  Rydyn ni’n cael rhyw £680 miliwn o gyllid yr UE bob blwyddyn.  Mae swm y cyllid y mae Cymru’n ei gael oddi wrth yr UE yn fwy na’r swm rydyn ni’n ei dalu i mewn.

 

  • Pwerau Llywodraeth Cymru

Mae gan Gymru ei llywodraeth ei hun.  Rydyn ni’n gweithio i wella bywydau pobl yng Nghymru.

 

  • Mesurau diogelu ar gyfer pobl a’r amgylchedd

Mae’r DU wedi bod yn rhan o’r UE am fwy na 40 mlynedd.  Mae yna lawer o gyfreithiau a pholisïau sydd wedi bod yn dda I Gymru.

 

  • Osgoi amhariad

Nid yw’n beth syml gadael yr UE.  Mae yna ran o gyfraith yr UE o’r enw Erthygl 50.  Mae’n rhoi’r hawl i unrhyw wlad yr UE adael.  Mae hefyd yn manylu ar sut i adael.

 

  • Y camau nesaf

Fe fyddwn ni’n gwneud yn siŵr eich bod chi’n cael y wybodaeth ddiweddaraf am ein cynlluniau i adael yr UE.

 

I weld y dogfennau llawn cliciwch yma

YMGYNGHORIAD AR AGOR - Diwygio etholiadol ym maes llywodraeth leol yng Nghymru

Yn 2018 bydd y darpariaethau yn Neddf Cymru 2017 sy’n ymwneud â materion etholiadol a chofrestru yn dod i rym. Mae Llywodraeth Cymru yn ymgynghori ar:

  • sut mae democratiaeth yn gweithio yng Nghymru
  • sut mae pobl yn dod yn gymwys i bleidleisio
  • sut maen nhw’n arfer eu hawl i bleidleisio
  • sut mae etholiadau’n cael eu trefnu.

 

Newid pwy sy’n cael pleidleisio

Oedran Pleidleisio

I bleidleisio mewn etholiadau mae’n rhaid ichi fod dros 18 oed.

 **Mae Llywodraeth Cymru eisiau cynnwys pobl ifanc 16 a 17 oed hefyd.**

Voting Welsh

 

Gallwch weld y ddogfen ymgynghori yma

Gallwch weld y ddogfen ymgynhori – fersiwn pobl ifanc yma

 

Sut i ymateb

Cyflwynwch eich sylwadau erbyn 10 Hydref 2017, ar un o`r ffurfiau a ganlyn:

  • Ffurflen ar Lein:  Ymateb ar Lein
  • EbostLawrlwythwch y ffurflen ymateb.  Cwblhewch a'i dychwelyd i: This email address is being protected from spambots. You need JavaScript enabled to view it.
  • Post:  Lawrlwythwch y ffurflen ymateb.  Cwblhewch a'i dychwelyd i:  Yr Is-adran, Democratiaeth Llywodraeth Leol, Llywodraeth Cymru, Adeilad y Goron, Parc Cathays, Caerdydd, CF10 3NQ

 

Y dyddiad cau ar gyfer yr Ymgynghoriad yw: 10 Hydref, 2017

 

Y Ffordd Gywir: Dull Gweithredu Seiliedig ar Hawliau Plant yng Nghymru

Beth yw Y ffordd Gywir: Dull gweithredu seiliedig ar Hawliau Plant yng Nghymru?

Fframwaith ymarferol ar gyfer gweithio gyda phlant, wedi’i wreiddio yng Nghonfensiwn y Cenhedloedd Unedig ar Hawliau’r Plentyn (CCUHP), i helpu cyrff cyhoeddus i integreiddio hawliau plant i bob agwedd ar lunio penderfyniadau, polisi ac ymarfer.

 

Mae’r canllaw, sydd wedi’i greu gan Swyddfa Comisiynydd Plant Cymru gyda chyngor arbenigol gan Arsyllfa Hawliau Dynol Plant a Phobl Ifanc Cymru (ym Mhrifysgolion Abertawe a Bangor), yn annog gwasanaethau cyhoeddus ar draws y wlad i ymrwymo i CCUHP a gwella sut maen nhw’n cynllunio ac yn darparu eu gwasanaethau.

Mae e ar gael i lawrlwytho yma.

 

Pam ddylwn i ddefnyddio’r fframwaith hwn?

Mae buddsoddi mewn hawliau dynol plant yn creu manteision gwirioneddol i sefydliadau: 

  • Bydd yn helpu cyrff sector cyhoeddus i gyflawni eu dyletswyddau statudol.

  • Mae’n cyfrannu at alluogi mwy o blant a phobl ifanc i ymwneud yn well â gwasanaethau cyhoeddus.

  • Mae’n sicrhau bod ffocws gwirioneddol ar anghenion penodol plant y gall eu lleisiau gael eu collineu eu distewi

  • Mae’n creu amgylchedd lle mae gwasanaethau cyhoeddus yn atebol i’w holl ddefnyddwyr.

 

Am fwy o fanylion, cysylltwch â ni.

 

Mae Y Ffordd Gywir: Dull Gweithredu seiliedig ar Hawliau Plant i Addysg  yng Nghymru ar gael i’w ddarllen yma.

 

*** Noder, mae'r adnoddau hyn yn cael eu cyhoeddi gan Gomisiynydd Plant Cymru ***

 

Cynghrair Hawliau Plant i Lloegr

Adnoddau newydd ar hawliau blant sydd yn addas i blant.

 

Mae Cynghrair Hawliau Plant i Lloegr wedi lansio dau gyhoeddiad ar gyfer plant a phobl ifanc ar sut y mae'r DU yn parchu hawliau plant.

 

Wedi'i ariannu gan Adran y DU dros Addysg, mae’r ddwy bamffled yn crynhoi'r Sylwadau Terfynol – Dyfarniad Pwyllgor y Cenhedloedd Unedig ar Hawliau'r Plentyn ar sut y mae'r DU yn parchu hawliau plant - mewn iaith sy'n addas i blant.  Mae un wedi ei anelu at blant iau rhwng 7 a 11 oed a'r llall ar gyfer plant rhwng 12 a 17 oed. Mae Gweinidog newydd y DU ar gyfer Plant a Theuluoedd, Robert Goodwill wedi ysgrifennu rhagair.

 

Mae Cynghrair Hawliau Plant i Lloegr wedi gweithio gyda phlant yn Ysgol Iau Hove a'r grŵp llywio ‘Change It’! i gyd-gynhyrchu'r crynodebau i sicrhau eu bod yn hygyrch i blant o grwpiau oedran wahanol.  Gall plant a phobl ifanc ddefnyddio'r adnoddau i weld sut mae Llywodraeth y DU yn ei wneud ar amrywion o faterion sy'n ymwneud â hawliau plant yn cynnwys gwneud yn siŵr bod plant yn cael lle gweddus i fyw, yn cael eu cadw'n ddiogel, yn cael addysg da ac yn cael llais.

 

Lawrlwythwch y crynodeb ar gyfer plant 7-11 oed yma

Lawrlwythwch y crynodeb ar gyfer 12-17 oed yma

 

Os hoffech dderbyn copi caled, e-bostiwch: This email address is being protected from spambots. You need JavaScript enabled to view it.

 

Noder fersiynau Saesneg yn unig o'r dogfennau sydd ar gael.

 

Mae'r wefan hon a'i chynnwys i gyd yn hawlfraint 2018 Llywodraeth Cymru
YouthFriendly Web Logo  ceop-logo  Welsh Assembly Government logo  CRights Aware Logo

We use cookies to give you the best possible experience.

By continuing to use our website we assume you agree with our cookie policy.